الله يعطيكم العافيه
أسمحولي
[poem=font=",5,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ودي أوّسع خاطـري دوم واروق=والنت .. لاجيتـه اروح متضايـق
ياقلب .. عاوني على سلطة الشوق=عقب الغلآ .. ياقلب .. ماني برايق
كنيّ بعد فرقـاه عاقـل ومطفـوق=مرات أحس بضيق ومرات لايـق
أشبك .. مع العالم ولي حظ مخنوق=مافادني والنـاس صـادق وبايـق
اركض وراه وكل مطرود ملحـوق=مثل الصريح اللي يـدورّ حقايـق
حزين ولي ثوبٍ من الهمّ مشقـوق=وثوب الفرح .. ماقد لبسته دقايق
آقف .. على ساقين واسج واسوق=واعانق الاحلام والوقـت شايـق
الحلم .. يشناني وانا اموت برفوق=والحظ .. وداني طريـق العوايـق
ياخذ عليّ احقوق ولايعطي احقوق=كنه يقول الحـزن جـاك يتهايـق
الله كريم .. وكل مطرود ملحـوق=والنـت لامرّيـت اروح متضايـق
[/poem]
ولا خـلا ولا عـدم