بسمـــ الله الرحمنــــ الرحيمــــــ
السلام عليكم ورحمة الله وبركااته
يالله يالمطلوب ياعلم الغيب
ياخالق المخلوق بأمرك حياته
يارب يارزاق عكف المخاليب
عبد(ن)سجد لرضاك تقبل صلاته
ياللي جعلت الخمس فرض ومواجيب
ياواحد(ن)كلـ(ن)ترجى اسناته
طالبك ياللي من ترجاك ميخيب
يالله عسى الظالم تزيد اعثراته
اللي اليا صارت ضروف ومواجيب
اليا بدى اللازم نسا واجباته
يموت ماحصل علوم ومكاسيب
سلم العرب ياسعود مره وفاته
حيث الردي من دور داوود وشعيب
من خلقت الدنيا وهاذي سواته
حلو اللسان وكامي لك على غيب
الحقد من طبعه وعيبه بذاته
لاجاك بالمجلس قليل التراحيب
دايم على النمه تقرقع لهاته
هاذا الذي مافيه شكـ(ن)ولا ريب
الطيب وسلوم العرب خافياته
والناس كلـ(ن)له سلوم ومجاذيب
وكلـ(ن)حسب طبعه يعد بصفاته
احد(ن)مشا في منهج العرف والطيب
وحد(ن)دروب اهل الوفا عاسراته
يقولها اللي صخر القاف ويجيب
من عذب جزلات المثايل ابياته
من واحد(ن)يصلى خفوقه لواهيب
خطر(ن)من الوجلا تهيض اعباراته
من كثر مامرت عليه التجاريب
شيـ(ن)حصل ياسعود عندي اثباته
والعرف هو غايت بعيد المطاليب
واهل العقول الناقصه جاهلاته
ناسـ(ن)تخم العلم مخطيه ومصيب
ماهمهم فقر الضعيف وغناته
الله مجنبهم عن الطيب تجنيب
برج المعزه معتلو شامخاته
قلته وقبلي قالها الزير لكليب
سيف الفخر كسر العدى من امناته
والرجل لاحالة عليه المصاعيب
ينصا الرجال وتنقضي لازماته
ياسعود ضاق الصدر قم شغل الجيب
كن العديم لينتخا من صفاته
دزه لبو خالد وخذله مكاتيب
حذراك من يوصيك تنسا وصاته
بلغ سلامي للفيت المعازيب
سلام مني عد مزهر نباته
وماغنت الورقا بروس المراقيب
وعداد مزنن ليلهـ(ن)سارياته
لشاعر اللي يستحق المواجيب
كل العلوم الطيبه من صفاته
مثايله تحشم عن الشك والعيب
لاقال صخرهن ماهن عاسراته
حيثه يجيد الشعر ورث ومواهيب
ولياعطاك العلم ياسعود هاته
يحشم عن اللي يقلب الهرج تقليب
لاقالك قولـ(ن)قضا لازماته
ولا الردي يسقيك مر المشاريب
من رافق الطيب لقى طيباته
من عاش بالدنيا يشوف التعاجيب
كم واحد سيوف الزمن جارحاته
الشاعر /""....سالم الطرقي الطرفاوي.....""\