هذي المحاورة كاملة


--------------------------------------------------------------------------------


فوّاز بـن حمـدان البذالـي





مبغى بزور القوم تاتيني وتخبط فالسطـور
يالشاعر اللي فاهم المعنى ولو انـه خفـا
مثل الذي يطبخ ولا يدري وش اللي بالقدور
يالله دخيلك يقدح زنادة ولـو بيـدة طفـا





عبدالرحمن بن معزي العوني





ياوجد روحي كان مانعطيه صمّات النشور
هذا نشا فوق السما مدري ظهر تحت الصفا
فواز يافواز بيت الساس لا يرجـع كسـور
حذراك لاتعْبر على الطرقه على سير الحفا





فوّاز بـن حمـدان البذالـي





دامك مراقب مرحبا بك لا يهونون الحضور
واللي دخل معنا يشوف العلم لامنـه لفـا
هذا يدوّر في توال السالفة بعض القشـور
قولوا كفا للي معي ياناس قولو لـه كفـا





عبدالرحمن بن معزي العوني





أبقاك ربي لين اقول المنطق اللي به وجور
أبقاك ربي لين اقول الصاملـه بالمكتفـا
أبعطي الاجواد بالمعصور في مرّ العصور
انته حفيد (ذياب) مطلعها فها مدري هفـا





فوّاز بـن حمـدان البذالـي





فهل علمت ان الخلاوي جدي من هاك الدهور
لاكن هالعالـم تـدس السـم لامنـه صفـا
خذها من لساني حقيقة ما بها زيـفٍ و زور
لا خير في رجل ٍ تفاخر في جهـر ولا قفـا





عبدالرحمن بن معزي العوني





انته وانا والدهر بالمفنى على وجه الخشور
والمنطق اللي فالمواقف يحتمي خذها نفـا
هذا الخلاوي زلته مثل الضرايا بالجحـور
ماخوذ من ظمي العنا ماخوذ من فشق العفا





فوّاز بـن حمـدان البذالـي





والنعم في كل القبايل ما عليهم من قصور
مير البلا باللي على قلبه مرض ما له شفا
اللي على فضل البشر جاحد ودايم له كفور
صلاة ربي يا محمـد يالنبـي المصطفـا





عبدالرحمن بن معزي العوني





نعمين في حال الرجال اللي يسدّون الخصور
والزود في عين الحسود اللي شدوقه بالجفا
ولا يابو حمدان واد الدهر في مهد الجهـور
ابوكم في واد الجهور اللي بطولـه بالقفـا





فوّاز بـن حمـدان البذالـي





دار الزمن فينا وهذا الوقت له يوم ٍ يدور
الله يبارك فالرجال اهل المواقف و الوفـا
الكثرا تغلب فالشجاعة والرجل دايم غدور
تيتم الورع الذي جالس بحضن امة غفـا





عبدالرحمن بن معزي العوني





حنا ترانا يازميلي مقبلين مـن السحـور
الواجب اللي في مدا الازمان يفرث ماهفا
هذا بلا اللي يجتزي سيسان بنيان القصور
يوم القوافل في نهجها والقفا لاهل السفـا





فوّاز بـن حمـدان البذالـي





من علمك ياصاحبي من علمك هـد الظهـور
مر الشتاء كله ولا ذقنـا بـه اليـوم الدفـا
لازم يجي يوم ٍ تشوف الناس تصفق بالصدور
واللي عجز يمشي من الصدمة تشوفه يزحفا





عبدالرحمن بن معزي العوني





ياصاحبي خذها على عجلا ترا علمي شـرور
انته ومثلك للعرب (غرّيف) صف صف ياصفا
لكنّ يافوّار طاب النفـس مـن ذاك الفجـور
والعلم قلنا ماضفا والمعنـى قلنـا ماضفـا




http://www.al7elf.com/vb/showthread.php?t=2296