بسم الله الرحمن الرحيم
السلام عليكم ورحمة الله وبركاته
كل عام وانتم بخير وتقبل الله طاعاتكم
حبينا نعايدكم بقصيده واتمنى تكون مشارك طيبه وترضي مسامعكم
وين انت يا حلمن بقلبي بنيته
وين انت يامن يضحك العمر وياك
لو لقيتك ما لقيت اللي بعد هجرك لقيته
لو لقيتك كان عشت العمر بافراحه معاك
احتويتك بالضمير وطيفك بعيني حويته
كل ضلع وسط جسمي يبي منك رضاك
من صدفتك شع نورك في ضلامي واهتديته
وافتديتك قلب يقلبي ولا بين عطاك
ويوم شفت الوقت قفابه تبا طيته و جيته
جيته اسئل شالغياب اللي عن عيوني خذاك
كنت اجي واشكي مصايب لهفتي لابواب بيته
ليه ياطعم السعاده وش اللي من جاك
وكنت اضم الريح لامن جاب عطرك وانتشيته
لين قلبي مات فيك الله يجبر لي عزاك
وكنت اسولف للقمر واقول ياليته ياليته
واشتكي لنجم لين النجم بعيوني بكاك
كم سامرت الضلام من الفراق وكم سريته
وكم كتمت الشوق لين الكل بعيوني قراك
والله اني ماتجاهلت الغرام ومانسيته
والله ان القلب يوم اقفيت قفابي معاك
لين فيني بان ضعفن وانكسارن ماهقيته
صار حبك ضعف يا قلبن عجزت القى دواك
كان حلمي بس اجيك بليل ياحلمن بنيته
واحظنك من لهفتي ويصير صبحي في مساك
الشاعر :فيصل نايف الطرقي