،’
السلآم عليكم والرحمة الله وبركآته
جديد الشآعر ثآمر شبيب الدقبآسي ,
اخايلك يابرقٍ تكاشف ورى الضلعان
عسى يلمس الضامي على القاع لك جره
تساق البشاير في قدومك على العربان
بعد ماكواهم لاهب القيض من حره
وانا حرتي ماهي مثل حرة الضميان
عروق الجسد من ضيقة الصدر محتره
عليه العوض قلبٍ تعلق مع البدوان
عوايد غلاهم ياخذ القلب بالمره
الا واهني الطير لا طار بالجنحان
ترك ماكره للريح في خيره و شره
حرار الرجال تموت ماتقبل الحقران
يغيض العدو موتي ولا عيشه تسره
تحريت للفزعه وانا ضايق وتعبان
ولا شفت موقف يشفي كبود منضره
عن عيون خلق الله عجزت استر النقصان
وانا خابر انه من كشف للعرب سره
مــع كـل هذا قلت ماقصر كـحيلان
رفـــعته ولـــكن المــواقيف تتشـــره
على وين رحتي يا القصايد مع القيفان
وانا كنت بنحتها على كف مغتره
هذيك الجفول اللي على شوفها ولهان
من اسفل قدمها موت للعنق للغره
انا مــاذبحني كود بنتٍ من البدوان
تــبعها ولــع قــلبي ولا عـــاد بـــالمره !!
,
تحيآتي الميآسية
همسسسه * منقوله من حسآب الشخصي بالتويتر للشآعر
من تنسيقي