اخواني محبين الشعر في منتدى قبيلة الجميل ... اهدي لكم هذه القصيدة للشاعر الذي خلد الابداع قصائدة وتغنت انفاس المشاعر بكلماته واحاسيسه ....
ليت العمر يهدى .. أبهديك عمري
تستاهل الايام يا زهو الايام
لو الهوى المحبوس في جوف صدري
يظهر على العالم غشى العالم هيام
فيني غرام فوق محمول صبري
و فيني خيال فوق تصوير الاحلام
صباحي اسرحلك و في ليلي اسري
و إلى هجع فكري خفوق الهوى قام
و الله مالي غير الأشواق عذري
و اللي عرف شوق المواليف ما لام
يا من يبيع الصبر يا ناس و اشري
محتاج كل الصبر و اصخي بالاقيام
يا مالك امري وش نواياك بامري
ارحم خفوق عن هوى غيركم صام
حالي غدى مثل المساويك مبري
يا باري حالي ترى البعد ظلام
أدري بحالك و انت بالحال تدري
ياالله عسى ذا العام أحسن من العام
للامير خالد الفيصل