هذه القصيدة قالها الشاعرغانم بن عبيد في رثاء الصقار والرجل الخير عيد بن مطر الجميلي رحمة الله
واسكنه فسيح جناته ردا على قصيدة الشاعر حسين بن سعدون النصافي التي قالها في رثاءة رحمة الله.
يجبر عزاي الله انا وبن سعدون
واهل الصقاره كل ابوهم بخـــــــــانه
ويجبر عزا اللي كل ابوهم يعرفون
ذاك الفقيد اللي فقيدة زمـــــــــــــــانه
ياكثر ماله يالسنافي بيرثون
انا اشهد انه راح منا تكـــــــــــــــانه
حتى الصقور اليوم ياحسين يلعون
سلطان مع قراش يفقد حنـــــــــــــانه
والله لو ياحسين بالموت يدرون
تشوف دمع الطير الله وامانـــــــــــــــانه
وتشوفهم على المداهل يروجون
على مداهيله تــــــــدور بيــــــــــــــانه
مالومهم ان كان راحو يحومون
وحنا يصبرنا على افقدانـــــــــــــــــه
العين تذرف دمع والقلب محزون
والصبر عند اللي عليه استعانـــــــــــــه
يالله يالمعبود ياخالق الكون
تجعل مكانه فوق عالي جنــــــــــــانه
للشاعر / غانــــــــــــم بن عبيد