أخواني الكرام أعضاء شبكة وملتقى ومجالس قبيلة الجميل الهلالية
الموقع الرسمي الأول الجامع لعشيرة جميلة الهلالية
أقدم لكم هذه القصيدة التي نظمتها بمناسبة حفل توزيع جوائز المسابقة الرمضانية في الملتقى في عامها الثالث على التوالي
نسأل الله أن يجعلها في موازين كل من كان سببا لنجاحها
إليكم القصيدة عسى أن تنال على إعجابكم ...
[poem=font="mateen,6,purple,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
هلا في لابتي يا خير لابة=وطت بعد الرسول أرض الصحابه
هلا ما ناح فوق الغصن ورقى=وعدد ما ليّم الغربي ترابه
هلا باللي بهم أفخر وأماري=ذراي بلين وقتي واكترابه
يشرفنا حضور أخوان سلمى= وكل الجمع من ربع وقرابه
تنومسني فعول عيال جامل= ليا شان الزمان وبان نابه
لهم في ما مضى فعل مجرب=ولوطان ارتفع فوق السحابه
تجمعنا على عز ومعزة=تحت ظل السعود أهل المهابه
ونطلب ربنا يحفظ بلدنا=ويبطل كيد من يبغى خرابه
وموقع ملتقى عيال الجميلي=هو أول موقع يُكتب خطابه
جمعنا بيت واحد نلتقي به=على ذكر الله وسنة كتابه
بقى بين المواقع دوم شامخ=جبل ما زحزحه فعل العصابه
وفي الميدان ست سنين يعمل=تحدى ميلة الوقت وصعابه
نشر حق ودحر باطل وجمّع=رجال كلهم أسود غابه
ومسابقْة رمضان بملتقانا=لها ثالث سنة مفتوح بابه
بها نرجي رضى ربي ونطلب=ينجينا بعفوه من عذابه
وبإذن الله ترى ما فيه خاسر=بجمعة ربعي تزول الكآبه
واحمد الله على فضله وأصلى= على محمد وآله والصحابه
[/poem]