بسم الله الرحمن الرحيم
إخواني إدارة وأعضاء ومشرفين
يسعدني أن أنقل لكم هذي القصيده وهي لصديقي وأخي الشاعر/ماجدعوادالسعدي
التي يمدح بها قبيلة السعد والجميل ولاقصور بالقبايل الأخرى
وعلما ً أن لها موقف خاص وأرجو أن تنال إعجابكم:
أبتدي بالولي ماغيره البادي*
ربنا اللي جميع الخلق تلجى له%
أحمده وأشكره حقق لي مرادي*
قابلن دعوة اللي بالسحر ساله%
بشروا صاحبي مركوز الأنهادي*
الغلا اللي بوسط القلب منزاله%
ومن يوصل علومي يم حسادي*
وراعي القول قل له خسرت أقواله%
قل له إني بركت ومبركي عادي*
الجمل يبرك لحمله ويشتاله%
لابتي جاههم مابين الأجوادي*
للأمور الصعايب دوم حلاله%
لابتي علمهم في روس الأشهادي*
أفتخر يوم كل يذكر أفعاله%
أفتخر وأتحيزم وأكرب شدادي*
يوم كل فزع لي طوح عقاله%
السعد لابتي لاجابه عنادي*
تأخذ الكايده وتجنب هزاله%
السعد مكحلين عيون الأضدادي*
هم وجيه السعد لاكبرت القاله%
لابتي لابتي عشاق الأمجادي*
قمة العز والناموس ترقى له%
لابتي لاغدى به قدحة زنادي*
تارد الموت رجليه وخياله%
والعدى يصبحن نساهم حدادي*
لاغشى الجو دخانه وشعاله%
والجميل النشامى درع وسنادي*
يوم ولد الشحيح يشح برياله%
يوم ناديت جوني جمع وأفرادي*
وكل منهم مواصلني بجواله%
من تعزوى بهم يبشر بالأسعادي*
يذكرون الخوي لوشانت أحواله%
ومن نساني نسيته لأنه البادي*
ومن ذكرني أسوق الروح لوصاله%
وخبروا من تحداني ترى غادي*
كان به مر يقذف مره أشوى له%
الشاعر/ماجدعوادالسعدي
نقل أخوكم/الجارح
وأرجو من الإدارة تغيير اللقب إلى منيف الجميلي