( مـات الخفـووق )


ياحارمـــن نفســي جمـيع..... الملــذات **** ياللي حـرمت الشوق لذة وصوله

بنصات وأسمع بوح صدري من إنصات **** قبل الفراق يجيـك مني رســوله

على رجـــا لآمــــاك مافـــاد مافــــات **** والحاضر إن فاتك وش اللي تنوله

قريت صــــمتك في جبينك علامـــات **** ورســـمت لك فعلك قبل ماتقـولـــه

وبانت مــلامـــح صـورتك بين الأبيات **** وكتبتها من سهل صعبٍ سهـوله

وثقـّت حبٍ مـــــن قديمٍ لـــه إثبــــات **** لباك تامر مـــن سنـين الطفولـــه

ثـم ايقنت نفســك معــي أنت بالـذات **** ولك بالحنايا العـوج صوله وجوله

وأخذت ميـثاق العـــهد بس هيهـات **** سنــين مـرت مــن حياتك عجولـه

وفجأه بدون أسبــاب لاحــظت زلات **** لــيل الوصل أرخى علينا سدولـــه

أقفيت عــني دون علمن.. وبسكات **** جاهل خطاوي مشيتك ...ياجهوله

سلــوم تجــبرني وطبعن وعــادات **** يمناك تقصــر عـن مقامي تطــوله

مات الخفوق اللي وفى قبل مامات **** موتت وفـــى تبـرك عليها ذلــوله