يقول فهيد الباطح
وقت مضى لو كان رزقه شلافيح
يازين لذاته بحزة مجاله
متيسر رزق الوجيه المفاليح
وكل(ن) توافيقه على قد حاله
وليا ركبنا مبعدات المصابيح
ماهمنا كود السنع والدلاله
نمشي بر(ن) مال دربه مفاتيح
ماقيل عطنا البيان وكفاله
وليا هذينا بزاهيات المسابيح
سوالف(ن) ماهي سوالف رزاله
وسادة جعد وفراشه بندى شيح
ماحطت الدوشق هذولي بداله
مشروبها در البكار الملاويح
يجزي لو هن يشربن ذهاله