يفز قلبي (غلا) لا شافتك عيني
و ان غبت عني ما غاب اسمك عن لساني
هواجس الشوق و الذكرى تسريني
والا وش اللي خذاني لك و سراني
تدري وش اللي على المسرى يجريني
نظراتك اللي تدل انك تمناني
لو ما ادري انك تمناني و تغليني
ما أجيك من دافع أشواقي و وجداني
أقرى عيونك و اعرف انك تحاكيني
يوم انت بالعين تكتبني و تقراني
سكرت باب الغلا من صرت بيديني
و غيرك من الناس عنهم ربي أعماني
هذا شعوري و أحاسيسي و ما فيني
بينتها لك و صرت اعز خلاني
الله عطاك الغلا يا فرحة سنيني
ولا تمنيت غيرك واحدٍ ثاني
عافت الاميّر