الشاعر : عبدالعزيز المحارب



ماتت أحلام الأماني بين وصله والسنين

وضاعت أحلام السنين اللي بنتها الأمنيات


انتظرت ومل صبري مير عيت لا تزين

وما بقى إلا ماضي الذكرى وجرح الذكريات


وش عطيتيني يا دنيا تطلبيني أي دين

وشهو اللي في يديني علميني شالسوات


ما كفاك اللي خذيتي مني قولي وش تبين

ما توقعتك ولكن عشتك الواقع شتات


آه منه آه من بوح المشاعر والحنين

آه منه آه من ذيك الليال الماضيات


العوض بالله ما غيره اعلم بصدر الحزين

العوض بالله عسى ربي ينسيني مافات


ما بقى له غير جرحه بالضمير ودمعتين

ارتوت منها بساتين الجروح الخافيات


لو تناساه الليالي أو تخفى راح يبين

لو سلم منها ما يسلم بالسنين المقبلات