الشاعر : محمد ناصي
كل مالديت لشعر ودعاني
انفتح لي باب ياليته مسكر
لاتردون الصّغير لابغاني
ادمحوله غلطته لحين يكبر
اتركوه ان كان عزم ثم جاني
عارف وضعه اليا جاني مقّدر
دللوه بلطفكم ويا الحناني
لبو المطلوب قولوله تآمر
لو ينثر بينكم كل الاواني
اجمعوا ماطشره كانه تنثر
كان دلبح بينكم كله تهاني
فارحً بالمشي توه ماتطمر
اافتحو له درب خلوله مكاني
ثم عطوه من التحاياء كل مامر
ذا نسل فريس طلقين اليماني
مانشد عن طبعكم ولا تذمر
من زعل يشرب عصير البردقاني
كان مايرضيه له شاهي مخدر
خابرً طبعي معه لوهو عصاني
ما هقيت احدً مثل واليه يصبر
الله اقوى دام رمحه قد كواني
منه سيل الهجر بريضان غدر
دام وقتي منه بالفرقى بلاني
ماقبلت العذر منه لو تعذر
له دبل مامد بالصد وعطاني
كل قفلً ينفتح لو هو مسمر
ذي صدوف الوقت واحوال الزماني
وذي مزاي وقتنا لامن تقشر
كم همومً غرزت بين المحاني
لين هدت مابنيته ثم تدمر
علموه اني نسيت اللي نساني
يوم هرج عداي خلاه يتكبر
البقاء لله وماب الكون فاني
مالك الا قسمتك لوهي تآخر