الشاعر الكبير / فهيد الباطح الجميلي رحمه الله
يا مرحبا يا هلابك يا بعد روحي ..... تحيّة اللي لفاله واحدٍ غالي
انا من العام قلبي منك مجروحي ..... يحيف وان كان طردي لك على الخالي
عطني مرامك لمصلوحك ومصلوحي ..... لا تعتذر صدقك اشوالك وانا اشوالي
كثر الوعايد يفوتٍ مثل ما توحي ..... الوقت ما ينومن قصّاف الاجيالي
دنياك غرّاتها طارح ومطروحي ..... ولذّاتها من لحق قصده بالامهالي
الورق يا زين ما ناحن مثل نوحي ..... بعدك وفرقاك لي شرٍ وغربالي
ابرد لهيبٍ بجاش القلب مفتوحي ..... من ذبّلك عطني المقصود يالغالي
الاجل والرّزق مكتوبٍ على اللوحي ..... لو ما لقيته يجيك بعرضت الفالي