الشاعر : عبدالعزيز المحارب
لو شفتني ... راسي مشيب
ما اشكي من الوقت وأهواله
راسي على.. ساسي الطيب
راسي على .. العز مدهاله
ابوي بالمرجله .. شيب
حرٍ تعلّا .. بمنزاله
للطيب شوفه .. مهو قريب
والناس.. ماتجهل أفعاله
لكن .. صار الخطأ صيب
تغير الوقت .. وأحواله
المشكله .. صارت تعيب
ناسٍ على . المجتمع عاله
يبقا الردي .. هافي وخيب
لو الردي .. طيبن خاله
ولا تشره .. إلا على الطيب
ليا منها .. كبرت القاله
تلقاه لا احتجته .. قريب
من تتصل ؟ ... رد جواله