الشاعر : عافت الاميّر
كل ما قلت اني بخير و العالم بخير
انطعنت بواحدٍ ما توقعت اخسره
الزمن نزل من عيوني رجالٍ كثير
كل ما كبرت واحد بعيني صغره
التجارب علمتني و خلتني خبير
ان ما لك طيب لا بالردي و لا المره
شفت بعيوني من اصحابي الشي الكثير
واحدٍ يرفع مقامي و واحد يكسره
كيف اباخذ بين الاصحاب و اعطي و استشير
و اكثر اصحابي ضحك لي بناب و كشره
و الله اني واحدٍ بالزمن وضعه خطير
طاح بيدين الزمن و الزمن ما قدره
شاب راسي من زماني و انا توي صغير
الزمن كبر ردي و الشجاع استحقره
غارة الدنيا تجينا و لا تبعث نذير
حطمت قلبي و منها الضلوع مكسره