ركابة الفاطر العجفى هزيله فاسنام
ماتردف الركاب واهل الصنف مايقنونها
حسبي على اللي باعها ثم اشتراها ثم سام
عل الجرب. يصيبها بجنوبها ومتونها
السلعه اللي ماكتسب منها عليه بالاحرام
لو وقفوها . باالمبيعه ماربح. زبونها
لو صفو جيوش العرب معاد فيها الانتقام
كل يبي سلم الحدود ولا عرف وش لونها
لاضاعت الفكره سرى فيها طيور بالظلام
تبي تموهه لدروب ولا تعرف لحونها
قناصها معاد يضرب له تحيه فا السلام
لا ضيفو بصحونها ماطهرو ماعونها
ان كان ماتدرى عن وجيه الرجاجيل الكلام
يجيك منهم ظايعن بحسابها ملعونها
بقلم خالد حامد