مخـــلد خلـــف
ياسعيد يابن محطب رتبتك كبتن مظلي
ليت معك الطايرة بقيادتك عن كل قايد
والله انا مابغينا نسمع الهرج المحلي
ول ياوقت الرخا وشلون في وقت الشدايد
سعيد المحطب
مرحبا بك.يالاديب ودوم يالنجم متعلي
معتبر نفسي غنيم ومعتبرك اخوٍ لصايد
لاتعاتبني وانا اللي محترق بالنار كلي.
كيف خلينا السلوم وكيف جنبنا العوايد
مخـــلد خلف
البقا بك مثل ماقلت ومحلك هو محلي
ماانقطع حبل الوصال ومايصير الحبل بايد.
الرجل لا انقض وضوه يابن محطب مايصلي.
.صاحبي والمحترم بين العرب عنصر محايد
سعيد المحطب
اعتبرني لك سناد وعن سموم القيض ظلي
وأنت للي مسند ودرع وكلنا مامن بعايد
والله اني ماعرفت العلم من كثر التغلي
وكل علمٍ غير علم الحق ماجاب الفوايد
مخلد خـــلف
كلنا مامن بعايد "كلمة العاقل تسلي
ماكذب من قالها ياللي تخيرت الفرايد
حقكم محفوظ وزنه مانقص مقدار ملي ..
.دام خاشرت السنام وطبت ياحي البدايد
سعيد المحطب
قالها الفكر السليم بعلم وادابٍ ودلي.
مير جت صدفه من الصدفات يابحور القصايد
الفهيم ليا غدا عوّد لدربه واستدلي
رجعته ماهي مذلة دام نور الحق سايد