الشاعر : سعيد المحطب
سلام الله سلام يفوح هيل ومقتفيه العود
علي رجال الوفاء والطيب والحفلة وراعيها
صدح فيها لسان الشاعر اللي يبذل المجهود
لجل حق الرجال ودعوةٍ من خضر البيها
لكن يارض الشعر عذرا هنا فكري بدون قيود
تعلا فوق هامات النجوم ولا يراعيها
مداراته نوادر فكر ماله في فضاه حدود
هنا شمسه تشع النور والجزلة لاهاليها
نهاره مابعد نوره ظلام وللفعول شهود
مثل مايشهد التاريخ لعتيبة ويرويها
ومثل مامجدهم يروي ضما الراوي يعل كبود
تنفس مجدهم حتئ الكتب بصدور قاريها
هل المدات والردات ورجال الكرم والجود
هل الوقفات والفزعات وتنومس مساعيها
هل الخوة هل النخوة لاثار العج والبارود
يبيعون العمار ليا دعا للموت داعيها
بيوت المدح تزهئ بالرجال وفعلها المحمود
توشحها الفخر وايضا الفخر بعزوم بانيها
يقوله شاعرٍ مثّل قبيلة والرجال وفود
عريب جدود من روس الجميل ويفتخر فيها
حفيد لفيصل وقصره لازال الحاضر الموجود
قصر سلمئ رواية عز حاضرها وماضيها
هذا والعلم يبقئ للرجال ولاعليكم زود
ورجال الطيب يبقئ ذكرها يحفظ اساميها
وسلام الله علئ عتيبة سلام يفوح هيل وعود
وسلام الله علئ من شرف الحفلة وداعيها