محاورة شعرية بين الشاعر : فواز البريك والشاعر : سعيد المحطب
فواز البريك
ياسعيد ترى اهل الدار قبل البعيد
تجرتك في ديارك ماتبي غيرها
دام في كل حاله تطلع المستفيد
اكسب القرب فيها دون تغييرها
سعيد المحطب
داركم لو تثمر كل طلعٍ نضيد
جعل نسلم فتنها مانبي خيرها
مايهاب الخسارة كل راعي رصيد
ليت تكشف غطاها ونغرف بيرها
فواز البريك
كم في مقبرة قلبك قتيل وشهيد
من حزنها لها غنت عصافيرها
قبل عيد الضحية جبت عشرين عيد
وقاضي المحكمه قاضي بتزويرها
سعيد المحطب
لو تمعنت ! فيها كل علمٍ اكيد
ونبشت القبر سية صعب تكفيرها
كل ماجبت عيد البس ليومه جديد
ولا تهمك عقولٍ ضاع تفكيرها