قصيدة الشاعر : عبدالله ابن لافي ورد الشاعر : حمود بن حفر
الشاعر : عبدالله ابن لافي
يابوفهد ماني عن الدرب منحاز
والناس مكنون الحشا يبحثونه
اباهزه ولايفيد التبهاااااز
اشوف برّاقه واخايل امزونه
لو راحت السلعه فانا عندي انجاز
كسبت مثلك راس مال ومصوونه
انشهد اني بوفي الوعد وان عاز
مثلك عيوني لو طلبها. عيوونه
انت اجودي شرواك بالطيبه فاز
واللي يجونه كلهم يمدحوووونه
رد الشاعر : حمود بن حفر على الشاعر : عبدالله ابن لافي
اطويق مايبغئ تعاريف والغاز
معروف واهل المعرفه يبخصونه
مثلك ياعبدالله كريمن وفزاز
مفتوح بابه والنشامئ يجونه
منته بهمازن ولا انته بلمااز
ولاانته من اللي لابته يكرهونه
حرن وحش منته ببومه ولاباز
واللي هقابك ماتخيب اظنونه
لاتشتكي لوكنت جايع ومعتاز
لاهل الحكي واهل الردئ والمهونه
اصبر وكابر لوك ماتاجد الغاز
ماابغئ الردي يدري وتضحك سنونه
بارض الكرامه لوتعكز بعكاز
اخير من ذل ن يزيدك اغبونه
وانته عزيز وروسنا دايم اعزاز
مهما الزمن زادت علينا اشطونه
محنا بدار الذل صوره وبرواز
ولاحنا من اللي فيه كبر اصحونه
حنا هل الوقفات لادق الايعاز
ميقاااافنا ياقل من ياقفوونه
ماياقفه فايز وفوزي وفواز
ولاياقفه راع الرخاء والليونه
ياما خساير جاتنا افراد واجواز
مانحتسبها مثل حاسب اديونه
نصبر ولونشرب من السم والقاز
لو وقتنا جن وتداعت اجنونه
والخاتمه نبقئ يابن لافي اعزاز
خوينا مهما حصل مانخونه