الشاعر : محمد الناصي
في أمسية حفل زواج الاخ : معجب حمد النصيص
لااله الا اله الخلق من فضله وجوده
الكريم ﷲ سبحانه اببدابه قصيدي
بالنيابه عن هل الحفله هلا واثني وازوده
مرحبا باللي حضرنا من قريب ومن بعيدي
ارحبوا ياهل المكارم والكرم يرخي زنوده
بحفلة عيال الفقيد اليوم يطربكم جديدي
شاعرن شعري كما غيمً نشى ترجف رعوده
سقتها لعيون ربعي طرق واوفيت بوعيدي
عادتي مخلف وعد والرجل يلزم فـي وعوده
لاقدمت اقدح صطرمن فضل خلاق العبيدي
ياهل الفزعات يوم الوقت بين به جحوده
محتمين اطباعكم عن كل غدار وبليدي
مدحكم يزهى القصيد وينتشي من ريح عوده
طيبكم من طًيٌـبّـ اهلكم يامطوعت العنيدي
في زواج القرم معجب شعرنا ينثر وروده
ليلتن فيها فرحكم كنها بايام عيدي
جعلكم دايم بخير وفرحكم دايم نعوده
كل نشمي لادعاني جيت له باسي شديدي
خاتمتها مسك ياهل الجود دمتم فــي وجوده
فارسن والمهره العوبى تشوش ولاتبيدي