الشاعر : غانم العريفج
ياشيب عيني من الروحه على جده
والعيد باقي عليه حساب يوميني
ياماصبرنا على الأيام والشده
لكن يبيح الخفوق فراق غاليني
يابندر الزاد عنه النفس منسده
صبرت والصبر مر وشيب بعيني
لحظة وداعك وقلبي محترق حده
ليتك يميني وباالغربه تخاويني
وان شفت منهو عزيز ودايم أوده
غالي عليك وعلي وبهجة سنيني
سلم عليه وتجمل حبلي خده
قله ترى ابوي لك رسمي موصيني
قله ترى ضيع المفتاح والعده
يقلعك يا رحلتن ماهي على ديني
اول نسافر سوى لو طالت المده
مرتاح معها وهي جنبي تراعيني
متماسكين ويدي دايم على يده
يسرقني الشوق لعيونه يوديني
والان باالطائره والأرض ممتده
يا ليتها با الغلط يمه توديني