الشاعر : عافت الاميّر
الله عطاني معرفه بالرجاجيل
و اميز الرجال حين انتواجه
معروف بالفعل الرجال الحلاحيل
و مبينن وجه الفلس من حجاجه
لا تتّبع للظن و مدور القيل
تراك تتعب لا اتبعت اللجاجه
ناس على هرج القفا حيلهم حيل
متعوده سب القفا ما تواجه
من كثر تلفيق الحكي والتهاويل
بوجيهم بانت رسوم السماجه
ترفا بعضهم عن دروب البهاذيل
و هو عليك يدور ادنات حاجه
اليا بلاك الله بـ بعض المهابيل
اكعم حجاجه كان ودك علاجه
خذيت بالدنيا دروس و تفاصيل
و الرجل يعرف مدخله من خراجه
اقف لا شفته مرتخي بارد الحيل
بالموقف اللي يستحق المواجه
المواقف اللي ينحسب للمشاكيل
ما هي مواقيف السفيه الدجاجه