الشاعر : مطر الطرقي
عزي ل قلب " باح ما كن و خفاه
من كثر ماضكه طلع كل مابه
عصلب زمانه لين حده و خلاه
علقم شرابه عقب صافي شرابه
الا انت ي قرم " شهر من مسماه
طيبه شهر من طيب عرق " ضوابه
من طيب ساسه طاب فعله و مجناه
عرق " مجاذيبه إمن اقصى القرابه
هذاك توقف له رجال " لها جاه
اليا لفى يقلط هلا مرحبا به
نادر حرار " ماش حليه و حلياه
يطيب حظ اللي لفى به اقضابه
عديم طرح " لشبك مع معشاه
يضحك حجاج اللي لفى به جلابه
اخير من عيص" ما رده متاحاه
قطيع ذود" شاف سحم الذيابه
قام ايتداحم واسود الليل يحداه
زاده اجفال و كل ليله سرابه
راعيه شاف الغبن حاول على اتلاه
حتى روحوله روحت في زهابه
ماله جدا ياكود يجهد و يقفاه
الليل ضامه والبلا في ذهابه
ان شاف له عالي صفح مايبى اعلاه
عله عقل ذوده و خاب الرجا به
اصبح عليه الصبح وارقب لمفلاه
مد النظر مده و لا له طلابه
قام الضما يحداه والخوف يجداه
خاب الامل والموت دنت اركابه
قام يتعصى بالعصا يازن اخطاه
حد الامل راس الرجم لا رقا به
والله ومر بالرجم يشرف بمرقاه
الا هذا المقهور زاد الرغابه
قامت تحن الذود حي ن بملفاه
من شافهن زال الضما والكابه