الشاعر : ثروي الباطح
مهداه للملازم : مسيعيد بن سعد المسيعيد الجميلي بمناسبة تخرجه من الكليه الصينيه للعلوم العسكريه
من هجوس الشاعر اللي ماتونّا
يرسل الابيات مبداها السّلام
من بعدها جيت أشارك واتغنّا
انتقي فيها من جزال الكلام
قلتها يوم الفخر فينا ومنّا
من قديم الوقت بالصف الامام
لأجل ابو معجب نجيكم ونتعنّا
حيث قدره عندنا عالي مقام
في قدومك يافخرنا والله إنّا
نفرح بشوفك مثل شوف الغمام
يامسيعيد السعد زبن المجنّا
يالشجاع ابن الكريم ابن الكرام
أنت من ماكر حرار ماتدنّا
ان بغيتك من خوال ومن عمام
تكرمون الضيف في حيلٍ وبنّا
ومن نصاكم والله انه مايضام
النجوم اللي على متنك زهنّا
جبتها بدراستك حسب النظام
ياعسى ربي يحقق ماتمنّا
ويحفظك بعيونه اللي ماتنام