الشاعر : عودة البركه
بـادي بالله المعبــود خالـق( ن )كل الـبشر
ربـي تعـالى اسمه حـامي البـيت الـحـرام
بعـد ربـي ياجـزيـل القـاف شلع ب الـبحـر
واعـترض مـوج البـحـور لين يـرجع للـظلام
ساطـع في عيـوني كـوكـب(ن) حـر وعسـر
معتـلي روس الجـبال ومخـتلـط بـين الغـمام
يوسف الهادي خصيم اللي عن الواجب قصر
محزم في صعـب الاوقـات وفـي عز المـقـام.
واسم ابيات الشعر في صم منحوت الصخر
راكي الحمـل الـثقيل ويقسمه عــد انقسام
مهتوي للندر الغيد ، عاشق(ن) قلبه خضر
منبع لعذب الجمل في حسن توصيف الكلام
ماتعـثر في وقــوفـه ، بـارز(ن) دربـه خـطر
ينجـلي جور الزمن عند الـكريم ابن الكرام
مايكتفي حبر الورق لوصفك النادر عمر !
يحميكك ربـي دعـوة(ن) عد ماناح الحمام
رد الشاعر : يوسف هادي
مرحبا ترحيــب يثنــى على ســمعك دهـر
يجعـل ألباب المناعيـر في وضع انسجام
مرحبـــا والصـدر مفتــوح والدنيــا ممــر
ومن تجاهل قـدر الاجــواد جنبه الســلام
كــل طيــب مثــل شــرواك مـا عنــه مفــر
وان دعـانـا بـ اللوازيــم شدينـا الحــزام
والشعـــر بحــر والافكــار في غبــه درر
والهجوس لهـا حراوي ليـــا حل الظــلام
والقلــوب الخضـر فيهــا سواليـف وعبــر
من سبايب فارع الطول مردوع الوشــام
فطرتـــن بـالعمــر دايــم تمــر و لاتضــر
جربـوهـا قبلنــا اللــي يفكـون الجهـــام
ويــالله اانـك لاتضيــع لنــا جهد وصبــر
يالعظيم اللــي علـى الخلق عينه ماتنــام