الشاعر : سعد الجميلي
يابنـت أنـا وإن كـان ودّك تنشدينـي مـن ؟أنـا!
من لابة ٍ لاجـا بفعـل الطيـب فـي راس الرفـاع
نرقـى مراقيـب المراجـل والـكـرم عــز وغـنـا
والضيـف لاجانـا مجالسنـا لـه صـدور ٍوســاع
ندرى خمـال الجـار بالشيمـه ولانرضـى الخنـا
له بيننا قدر وحشيمـه وإن طلبنـا أمـره مطـاع
وإن غاب صرنا في غيابه مثـل ماقيـل (دهنـا)
نقضـي لحاجاتـه ونخـفـي ســر بيـتـه لايــذاع
حنّا(جميلـة قيـس) لاجـا الفـعـل والعـلـم إنثـنـا
الـكـل مـنّـا بالشـدايـد حــزّة الـنـخـوه شـجــاع
(إخوات سلمى) لاأنتخـن البيـض والعايـل دنـا
يبشـر بيـوم ٍمايحـصّـل مــن وراه إلاالضـيـاع
بـواتـع ٍلاجــا نـهــار الـخــوف وأيـــام الـعـنـا
ناقـف مواقيـف ٍيهـوّل شوفهـا قـلـب الـرعـاع
صـيــارم ٍ لاشـبّــت الفـتـنـه وثــــارن الـقـنــا
مانخلف الهقوه على الفزعه مثل هاك السبـاع
وإن جاعلينـا مـن بقايـا القـوم بالخـوف زبـنـا
نفكـهـم والعـمـر مــن ربــي بهالـدنـيـا مـتــاع
دخيلـنـا لاأقـبـل لـنـا بالطـيـب يـبـشـر بالـهـنـا
عـزالله إنـه مايشـوف الضـيـم قدرالمستـطـاع
والـلـي يخاويـنـا بـعـز وفـخـر يقـطـف ماجـنـا
نمشي علـى النيـه ولانخفـي ورى النيـه قنـاع
يشهـد لناالتـاريـخ والـلـي تبـنـي أجــداده بـنـا
ماتهـدم الأمجـاد رغــم العنصـريـه والـصـراع
فـي( قصـر سلمـى) خلّـد الجغرافيـا قصـه لـنـا
خـلاّ لنـا فيهـا خريطـة عــز ورســوم الــوداع
(فيصل) كتب تاريخنا من فوق صفحـات جبنـا
شيـخ ٍلفعـلـه ننتـمـي لاجــات حــزّات الـنـزاع
من (فرعة الهدار) (للأفـلاج ) راسـه ماانحنـا
لين إن فعله بالشجاعـه بيـن كـل النـاس شـاع
في هالوطـن قصـة كفـاح أجدادنـا صـارت هنـا
يوم إنتخى (عبدالعزيز) وصـار للفزعـات داع
وإلاالقـبـايـل كـلـهـا بالـطـيـب تـقــدح بـالـثـنـا
فيهـم رجـال ٍيشبعـون الذيـب ونـسـور ٍجـيـاع
واليوم حنّا فـي ذرى (آل سعـود) نخـوة عزّنـا
شيخان نجد اللـي لهـم كـل الـولاء والأنصيـاع
فـي ظلّهـم شفنـا الرخـا والأمـن والـكـل إهتـنـا
عشنا على نهج الشريعه من قبل سن الرضاع
وإن كان ودّك تنشدين بجد.. أنـا.. مـن هوأنـا
أناجميـلـي والجميـلـي دوم فــي راس الـرفـاع