[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
مبداي باللي يبعث الحي لامات = الواحد المعبود منشي المخيله
ربن كريم مميزن كل الاصوات = صوت العرب والاعجمي محتويله
من بعد ذكرك شاقني نظم الابيات = اخذ جزيل القاف واترك هزيله
مثايلن ماهي ضعافن سمينات = مايجتمع هزل القصيد وجزيله
يالابتي يالابتي باعلى الاصوات = قوموا معانا نفتخر بالقبيله
حنا بني غانم على الحق سادات= حريبنا بالحرب ياعزتيله
نسقيه سم الموت كاسات كاسات = لو مايجينا الموت حنا نجيله
فينا الشرف والجود والصدق عادات = حصيلتن ياحلوها من حصيله
والضيف لاجانا يلاقي مسرات = نفز به فز الخليل لخليله
وعلى القصيره مانوينا رديات = نحفظ شرفها بالسيوف الصقيلة
ونيسر المعسر ونعطي العطيات = واللي عنانا مارجع بالفشيله
هذي فعايلنا على مر الاوقات = مانحيد عنها لو على قدر ميله[/poem]


الشاعر جمعه علي البناقي