--------------------------------------------------------------------------------
( وصف الوحش )
[poem=font=",6,green,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ماشفت بالعالم شبيه لحلايـــــاه = يملك على طوله مفاتن قويـــــــــــــه
يربكِ حضوره في محاسن محياه = له طلةٍ ماهي بعيني شويــــــــــه
لو تنظر القمرا لخده تحـــــــــراه = تحب شوف البدر في آدميــــــــــه
مابه ولا شغله تعذرب مزايـــــاه = حلاه ماشافت عيوني بنيـــــــــــــه!
(وصف الوحش) احلا معانيه تزهاه = واجمل من عيونه رموشٍ نديه
لو يبتسم كن البرد في ثنايــــــاه = وفي نظرته من رمش عينه هديـــــه
لا واهني اللي يعرفه ويلقـــــــــــاه =هاوي على وضح النقا هالخويــــه
انا تعبت انظر مع الوقت لاماه = لأبعد مدى في قلبي اشواق حيـــــــه
وانا مشاعر كل ابوها تمنـــــــــــاه = وبخاطري كل الحياة المديــــــــه
يسعد صباحٍ في نسيم تهـــــــواه = وانه لفح من طيب شاله عليــــــه
لو الهوا يستأذنه ماتعـــــــــداه = يأمل غلا ذات الصفاة الأبيــــــــــه
أو هقوته تصبح مثل من تهــــقواه =والله لطوعبه قصايد عصيــــه
أبدي بصفحه في مواضيع ويــاه = واصيغ له فوق الالوف ابجديــــه
واغوص في سبع البحور بسجاياه = وانقا له الدر الثمين بيديــــــه
وأحوم لنجوم القوافي بمعــــناه = وارقى مكانات القصيد الجزيـــــه
واسمعه مايطربه في مناجاه= اقوى القصايد في لحوني شجيــــــه
من شاعرٍ ماهزه الوجد لولاه = هاظت قرائح بالغزل عاطفيـــــــــه
مني قصيده قلتها لك على آآآه = واقدر اوصلها بالأبيات ميـــــه%
هذا كلامي له من الصعب ينساه = واقول له من قلب في حسن نـــيه
الله يحفظه من رموشه لماطاه= ويحلي الدنيا بروحه وجيــــــــــه[/poem]
================================================== ====
وســـــــــــــــــــــــــــــــــــــــــلامتكــ ــــــــــــــــــــــــــــــــــــــم
الشاعر/ مانع سلوم بن فريح البذالي
{ نبه القصيد }
ِ