وساع الصـدور وللمهمـات حضـار
والكـل منهـم للمراجـل يـمـاري
أمثال ناصر مكرم الضيـف والجـار
زين الطباع اللي على الطيب ضـاري
أبشـرح الخاطـر بشوفـي للأقفـار
واسج رجلي مع فجـوج الصحـاري
لا من وجه الأرض غطتـه الأشجـار
واصبح خضر من عقب ما كان عاري
متخالـط نبتـه نواويـر وأزهــار
ومن السحاب القـاع فيهـا خبـاري
والصيد له عينه وتسمع لـه أخبـار
تلقى القطا وتشـوف جـرة حبـاري
نضرب قرار ومـرة نضـرب طيـار
هذي صويب وذيك طاحـت جبـاري
لا جيت بأرض ما عليها الدبش سـار
مـا تسمـع إلا للقبيسـا هــذاري
اختار لي منزل وهـي كلهـا خيـار
بأول مساء يومـي وتالـي نهـاري
واحط عفشي واشعـل بجنبـه النـار
واركي عليهـا دلال بـن وغـواري
واسـوق للأجـواد فنجـال مسمـار
يزيل عمس البـال عقـب افتـراري
وانساح بالي وانجلـت عنـي أكـدار
يا زين مع بعض النشامى البـراري
ياسلام عليك يالامين قصيده رائعه
من شاعرله مستقبل باهر -----صح لسانك