عسى مايمركم ولا يلحقكم شره
الفقر
تجرد يافقر مني تولا بعيد ولا تقرب
أمانه خلني بدنيا غنا وأرغاد أعيشبها
يشاركني من همومك صغيرن ماهنا مشرب
كبير بحقي ماأقدر على ضيمه ولا أغلبها
يجور الوقت في ناسن وهم ساس الكرم مضرب
ياشين الذل بعد العز عظيمه للي جربها
يشرق فيه ضيم الدهر والادهى منه لاغرب
عجوزه تبكي ماتقدر على اللي صار وحل ابها
يشارك جوعها نملن يتيم ولا لقى مأرب
يصوت واحدن منهم يا يمه وش مأربها
تصيح أو تكتم ألعبره وتعبر لدغة العقرب
تضيق الساعه بوقته وتخشى من عقاربها
إذا حل النهار أضفى عليهم هم للمغرب
وإذا حل الظلام أشكل لواهم من مغاربها
تنادي بصوتها المبحوح يا يعرب ويا يعرب
ولا تلقى من اليعرب سوى البهتان يقول ابها
تصبر ترجي المولى يزيل الغم والمكرب
لأنه قادر لبقعا على الصكات يذهبها
ألا ليت الفقر نيشان ويحلالي به المضرب
عشان يذوق أمر مامر من دنياي وأصعبها
برى حالي ندب جرحي ودائي والبعير أجرب
لو أطليه الصبر كله فلا جروحي يجنبها
أنا وياه مثل هاتين علاقتنا فلا تخرب
لو إن روحي طنت منه عزف موال ورغبها
أثره الجاير الغاير على نفسي بها يطرب
يفل حجاجه أبجيبي ويسره يوم يداعبها
صحيح الدنيا بأقداره تحل ولا يحل مهرب
ولكن رجوتي بالله يأمنا عواقبها
أخــــوكـــــم غــضـــب الـــبـــنـــــاقــــــــــــي