أبيات يتيمه لم استطع اكمالها


الاول :


المال عز وصولة السيف راحت ........ والضعف شين وما مع المرجله ضعف .



الثاني :


بعض الحكي ودك ليا طال توحيه ...... وبعض الحكي لا زاد طوله قصرته .



الثالث :


والله مدري من هو الحر فيهم ....... الطير والا مروضن كل رجال .



الرابع :


الناس تنزل بالغلا وانت بصعود ....... لا شك قلبي غصب عني ملكته .
حاولت اخفي حبك بكل مجهود ...... مير البلا لا شفت زولك فضحته .



الخامس :


انا الصاحي انا المجنون انا اللي كلي هبالي ...... انا اللي شايلن بنته علي راسه ويدورها .
انا اللي هموم خلق الله ازمزمها من خبالي ..... القم بندقي لكن على روحي اثورها .



السادس :


صحيح من كثرت بلاويه ما نام ..... وصحيح من خلا دياره تشرد .

وصحيح من خليت مخابيه ما سام ..... وكثر الحكي ما ينفع اللي تعود .

احدن عرف وشيقعد الحظ لا نام ..... واحدن من سمول الهقاوي تشرد .




وسلامتكم

اخوكم : محمد الماجدي