السلام عليكم ورحمة الله وبركاته

هذه قصيدة جاريت فيها قصيدة الشاعر الكبير المرحوم ( عيد البركة الجميلي ) وهي على النظم الهلالي والتي تبدأ بالأبيات التالية :

[poem=font=",6,red,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
أنا بادي بالله عدد باذر الوطى = ولي على الدنيا مدبر حوالها
مرجع لقاع عقب ما أقصى بها المحل = من نو غرا دفق الماء خيالها
[/poem]

إلى آخر القصيدة

وعلى هذا المسحوب نظمت هذه القصيدة وهي هدية وحصرية لمنتدانا الغالي ( منتدى قبيلة الجميل الهلاليه ) واترككم مع القصيدة :


[poem=font=",6,green,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
أنا بادي بمنشّي البرق والرعد = الواحد المعبود منشي خيالها
يسوقها الرحمن بأمره ودبرته = مدبر الدنيا وعالم حوالها
جتنا من المنشى تكاشف بروقها = حالوبها يسبق هبايب نجالها
بأمره وتدبيره وفعله وقوله = صبت غزير الماء وسالت سهالها
لين امتلت كل الفياض وتلاقت = شعبانها تهدر وتلطم جبالها
ما يمشي الماشي من السيل والوحل = عواسيسها تنقل مضارب أهوالها
اسبوعية ساكب مطرها بقدرته = من اللغف لين السيف حطت احمالها
إن كانت على ظني وقولي ورمعتي = تخالط نبات العشب والفقع فالها
ونبت الخزامى والنفل في فياضها = في لحظة تشبع جلايل جمالها
وختامها مني صلاة على النبي = اللي موصى بالرساله وشالها
[/poem]