[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
أقبـــل علينــا العيــد يــاداعــج العين = وكــلٍ نهـــار العيد يــذكــر خويه
واحتـرت ايش أهديــك بالعيــد يازين = لاجيت اعايـدكـم نهـــار الضحيه
المـاس عنــدك والـذهب والبـــلاتين = والغـالـي اللي مامع الناس زيه
ولـــو أدري المعــــدوم ابااعينــه ويـن = اشــريه لــك يـانـور عيني هديه
اشــريـــه لك واسجل اللي بقى ديـن = والـرزق عنـد الله ونفسي غنيه
واهديت لك من صادق الشعر بيتين = اعـــز ماعـنـدي بـدنيـــاي ذيـــه[/poem] شعر/ علي بن محمد القحطاني