هذه القصيدة قالها الشاعر / مطلق بن بنية الجميلي
وذلك عندما كان في الكويت يؤدي عمله ، وعندما طال المدى بينه وبين أهله تذكرهم وأنشد هذه القصيدة :

[poem=font="Traditional Arabic,6,purple,bold,normal" bkcolor="transparent" bkimage="" border="groove,4,orange" type=1 line=0 align=center use=ex num="0,black"]
راكب اللي للمسافات عابينه = عند أبو عقلا حلاياه واشكاله
عند أبو عقلا حلاياه شارينه = واقفٍ عن كدة القيظ بظلاله
ما تطوّل دقته من بليتينه = ولا تداني الكهرباء جدة الداله
يا حلي اللي نجبنا معنينه = يوصل اللي بالخفا ضايقٍ باله
مع براد الصبح يمشي منصينه = لو سهج صعب المطبات تكاله
والمعاون للسست فيه له عينه = مدبّل لا تنكسر فيه حماله
لا أونس الثالث وعوى بسيرينه = وصل شفي والمدينه بها رجاله
عند بيت بالدحل ربعته زينه = ما تقهوى إلا المشاكيل بدلاله
بيت أبوي اللي على العز بانينه = عل ربي ما يهدمه على رجاله
قلتها من ضيقة الخلق شاكينه = بالكويت أمسيت والعين هماله
كني اللي يسهر الليل من دينه = دين الأنفس فيه والمقتضي جاله
أو حلايا اللي شكا السجن مخفينه = حالةٍ والله يبدل بها حاله[/poem]


بعض معاني المفرادت :
عابينه : ذاخرينه ( حافظينه )
أبو عقلا : صغير سالم العقلا - رحمه الله -( يسكن بالكويت )
بالدحل : دحل مي ( مقطان قبيلة الجميل )