السلام عليكم ورحمة الله وبركاته:
كيف حالكم وعساكم طيبين أن شاء الله
أعجبتني القصيدة وقلت أنقلها لكم
الشاعر : علي الريض
ياللي تبي تعرف أسراري وعنواني
الحزن والضيق واللوعة عناويني
وأن كان من جد يا بن الناس تبغاني
في كل لمة حزن يمـــكن تلاقيـــني
يكتبني الضيق واللوعات تقراني
والناي من شرهة أحزاني يغنيني
أجامل الصبر والأيام تعصـــاني
بالله قلي وش اللي معجبك فيني
فقير يوم أن عز النفس ما غناني
كم قلت للفقر عز النفس مغنيني
كم واحداً ما شتمته لجل ما عطاني
وكم واحداً ما مدحته لجل يعطيني
يقلقني الذنب لامنـــه تـــغــشاني
يالله من الذنب والغـــفلة تنجيني
مافيه صوتاً يخفف عني أحزانـــــي
الا ابن شريم لأأأأأم المـــصلـــينــــي
ما هو بدايم يصير لساني ..حصاني
كم زلةً من لساني صــــدق تشقيني
من صغر سني وانا هالحزن يبراني
واليوم عمري تـــعدنــــه عشريني
صحيح ماني بمثل أبوي وأخواني
رغم ان هقوات نفسي نوب تغويني
ما مد كفي لكفاً ما تـــــمـــناني
ولاسج رجلي بدرباً ما يوديني
ما كذب لكن اتجمل بعض الاحياني
يوم ان هالكذب صاير شي روتيني
في ظروف ازرف عزيزاً ما تناساني
وفي ظروف ادور مزرفني وناسيني
اعرف نبض الجفا في وجيه عدواني
واعرف نبض الغلا في اللي مواليني
والطعنة اللي تجي من صوب صدقاني
اقسى من الطعنة اللي مـــن عدويني
كم مرةً مات دمعي داخل أجــــــفاني
وكم مرةً اتفه الاسباب تبـــكيــــني
تحياتي لكم،،،،