احمد ابن جابر
الطبيخي ياكل و يشرب ويسهر كل ليله
من عقب ماهو مقيد فالسلوك الواقعيه
كل حمله يبركلها ابروكك لونها ثقيله
يذكرونه في ديار المملكه والسالميه
عزيز الطبيخي
لاتحسبنك مضويلك علومن مستحيله
كل مسلم ياكل ويشرب مدام النفس حيه
تعرفون شعيل حمله كل مايبرك يشيله
والخوي بساعات الشدات مايترك خويه
احمد ابن جابر
مانخيل البارق اللي ماذكرو بالارض سيله
ولا جهلنا في هذيك ولا جهلنا في هذيه
الجمل في حكمة الجمال ولا فيه حيله
تحت فيت خيزرانه فالصباح وفالمسيه
عزيز الطبيخي
المخيله خيلت والبرق يبرق ف المخيله
كيف ماشفت المخيله والبروق العقربيه
الجمل لاتعترض دربه وخله في سبيله
والوعد بيني وبينك ثلاث ايام الضحيه
احمد ابن جابر
يالطبيخي لاوقفت اوقف معي وقفه اصيله
خابرينك ماتحب التفرقه والعنصريه
حاشمينك رحت ولاجيت ياراع الجميله
لاتواعدنا وتخلف في وعودك يالبليه
عزيز الطبيخي
اكرب حزامك وشب النار في راس الفتيله
والجهل ولا زمانه ف الليال الجاهليه
انت يمكنك كبرت شوي ويدينك طويله
مير حذرا لاتقرب للشداد وللمطيه
احمد ابن جابر
ما يهون الا قليل الخااتمه ويلف ذيله
مير هقواتي كبيره فيك وعزومي قويه
العقل ماهوب كثر العمر مربوط و قليله
لا تهدد ي الطبيخي من ديار العبدليه
عزيز الطبيخي
من يجنب عن طريق الحق نلعن سلسبيله
حرك اقدامك وجاهد واترك الباقي عليه
كل عاقل يعرف الكف الكريمه والبخيلة
وانت وش علمك تحسب المزح نكبه عالميه
احمد ابن جابر
العوارف ما تزاحمها المقرد والهبيله
ضايعن مجهودها في كل روحه وكل جيه
ياصحيبي شرهت الطيب على الطيب ثقيله
شرهتي حقن عليك وشرهتك حقن عليه
عزيز الطبيخي
كل زراعن يبي يحصد وياكل من حصيله
و البعارين الهمل ماهي بمن ضمن الرعيه
شرهتك جزله وعان القرص من تحت المليله
وانتبه لاتلتفت للقمه اللي في يديه
صح الله السسسانك مليون ولايكفن 🌹