عرض مشاركة واحدة
قديم منذ /13-12-2017   #1

 
مشرف قروب شعراء ومنشدي قبيلة الجميل
مؤسس القروب بالواتس

الصورة الرمزية بشير فهد

 

بشير فهد غير متواجد حالياً

 رقم العضوية : 10236
 تاريخ التسجيل : Jun 2015
 المشاركات : 418
 النقاط : بشير فهد will become famous soon enough
 تقييم المستوى : 155

مزاجي
رايق
افتراضي الشاعر الكبير : سعد المسيعيد الحفر الجميلي - ول ياقلب العنى وش علامك ما تتوب

عندما زار شاعر قبيلة الجميل الشاعر الكبير : سعد المسيعيد الحفر الجميلي مواطن قبيلته الجميل
كتب هذه القصيدة بتاريخ ٢٠ / ٣ / ١٤٣٩ هـ

ول ياقلب العنى وش علامك ما تتوب
عن هواجيسٍ تمرك وممشاها بطي

كل ما امسى الليل والشمس هفت بالغيوب
جت هواجيسٍ على القلب تضفي وتغطي

كل ما اذكر وقت فيه الحلا من كل صوب
والقلوب صحاح والناس احبى وخلطي

فيه راحة بال ماا نته على الضيق مغصوب
والحياة من اولتها معارك وشبطي

راحت ايام الطرب والوناسه والعجوب
ما بقى الا الشك والحسد و علوم خرطي

عند بعض الناس وإلا اكثر الناس امحبوب
يسلمون اهل الوفى ياهل الحسد اهبطي

والحسد ما جابه الا اختلاطات الشعوب
والشعوب الها مذاهب وسلمٍ ممتطي

ول ياوقتٍ مضى فيه راحه للقلوب
لو زمان القل بالناس واطيهم وطي

بالديار اللي شجرها اليا هب الهبوب
ريحته تنعش و ودك تمشّى وتخطي

بالفياض الي من المسعري واجنب جنوب
لين تاقف بالغباشه و عوّد لمغطي

وسج بحقي الايديات مع سمح الدروب
والكراع تعقّبه وانتبه لاتغلطي

و وايق القور الثلاث الشواميخ النّصوب
فوقي ام غوير والجفن جدي اب مصفطي

بتّله يم الحصانه على صاف الجيوب
و وايق حسيكان والقاع قدمك تبلطي

في جنوبيه ام نيرات وحقي محجوب
وحدرك المقرونتين ورجمها الامعطي

ورح لفيضة برغش وقاعها زين الخبوب
واشمل لكريّم بمشي العقل لا تخبطي

واتجه لام ارضمه ثم تونس بالغروب
هجرة شيوخ العرب ما تباع وتنعطي

هجرة شيوخ الطواله لهم فعل محسوب
من يزاعمهم عن العز حظه يسقطي

وسنّد امديسيس يم الحدق زين الشروب
هجرة رجالن على المعتدي تسطي سطي

الجميل اللي بالافعال تنطح كل نوب
عندهم للضيف قولت هلا ومقلطي

ولـ قليب غنيم تشمل وراعيه مهيوب
من يعاندهم بالافعال يقطونه قطي

والقليّب والحديق بهله زين السلوب
كل منهم بالمراجل شجاع وملعطي

والقبايل نعم فيها ولا فيها عيوب
كل قومٍ من زحمها عليه ءتسلّطي

ذي مواطنّا القديمه على دور العتوب
ما يخاشرنا بها احد واراهن واشرطي

حنا اهلها يوم بالناس غالب و مغلوب
وهي مرابينا وفي دارنا ما نفرّطي

ويوم ساد بها الأمن يلعن الله الكذوب
تحت حكامٍ تقصّر يدين الخربطي

السعود ءملوكنا بالامان و بالحروب
عهدنا معهم و نرفض كلام اللخبطي

مع هل العوجا على الموت و النار الشبوب
ما بنا خاين و هرجي وكاد مضبّطي

ويالله المطلوب عفوك وغفران الذنوب
رحمتك واعمالنا تنقبل ما تحبطي







توقيع »
  رد مع اقتباس