كان جميع اجداد قطيفان شعراااااء 0 وكان هو الوحيد الذي لايوري او بمعنى اوضح لم يشعر وربما كان يشعر بالسر
وكان جالسا يوما عند والده سلامه 0 فساله والده : اشوفك مابين منك لاقصيد ولاشي وعمامك كلهم يقصدون0 قال مالي شف بالقصيد 0
قال : دبر نفسك 0 فذهب وجلس لوحده ولا رجع الا بالليل 0 ولما رجع قال لابوه جبت لك قصيده قال وش قلت قال
[poem=font=",6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
لاعاد جدودي كلهم يقصدوني = وانا علامي ساكت ٍ ليه ماجيب
من بد كل عيالهم ضيعوني = وابدا ولابي من عروق المجاذيب
مدري بلاهم بغض والا نسوني = والله لا سود لهم بالاجانيب
يمشون للحقان ويطالبوني = واللي يقول الحق انا اخطي او اصيب
بالحق انا انفعهم وهم ينفعوني = من بيننا ماينقطع مرسم الطيب
من خلقت الوالد على ابنه حنوني = وانا على الله والدي منه ماخيب
ندي قصيد ٍ قلهم لايجيوني = اقرى على سدري خفي المكاتيب
كني شثاثه والملا يدهلوني = ياما من الصدعي بخضر العواسيب
واعلم اللي حاضر ٍيسمعوني = تخبير للي ماضني به ولاجيب
وحتى القلوب الداله يفطنوني = وكثر المهاذر من كبار العذاريب
ولاتقطع الفرجه بليا عيوني = والطير مايهجم بليا مخاليب
والذكر مايظهر بليا طعوني = واللي يداري في مظارفه ماهيب
يامنهم اللي باللقا ينطحوني = ارضى بفضخ قلوبهم شوفت الذيب
سيفي عليهم بس نهضت جفوني = والناس ماترد السنع غير توديب
تلقى بهداته تضيع السنوني = من الكره ماحد يشتهي شلة الشيب
والناس من بلواه مايسلموني = اما يحش الراس والا العراقيب
[/poem]
ولكن والده لم يقنع بهذه القصيدة 0وقاله ابي اعطيك قصيدة وجب على لحنها وقافها
قال والد قطيفان
[poem=font=",6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]أنا مبداي بالرب الشريف = رفيع البيت هو راع الجلال
خالق بالدجى زين الرفيف = بروقه تصطفق عقب الحيال
تشوف المزن بالمنشى صفيف = وتتنى رحمته حيل ٍهزال
انا ياركب ٍزين النفيف = طويل المتن ذاعره الجفال
حلوه يوم قفى له نفيف = بخفٍ مثل منقوش الريال
وانا ابكي واحدٍ زوله زريف = اخيله مثل شواف الهلال
واصابعه مثل هماز المصيف = وريقه مثل سمن بالشتال[/poem]
فرد قطيفان
[poem=font=",6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""] أنا مبداي بالرب المنيف = ولي النفس هو راع الجمال
هو خالق بالدجى زين الرفيف = بروقه تصطفق شرق وشمال
تشوف القاع منها له رجيف = فال لها ساترٍ قفوا النجال
لا كن الما على العلوه يزيف = يشادي الشط من جرفه يحال
بنيال الفيظ محتج ٍبصيف = نواعيره يهدمن الجبال
وليا خج البحر لزمن يقيف = يضيق الدرب به ماله محال
توحوا واسمعوا قول العريف = استاد القيل لاساد العيال
خفيف اللي على غيري كليف = تهول من ملاويه الرجال
الا ياراكب ٍ زين النفيف = طويل المتن ذاعره الجفال
يشاد الهيب لاخطاه الدريف = كبت به بندقه ولد الحلال
تذير والتوى واقفى معيف = يروغ من الشجر جاه الهبال
يجيب الحيل بالريش الخفيف = يموح ملز ملفات الظلال[/poem]
فقال والده الحين اعجبتني توك صرت شااااعر
والى لقاء جديد