القطا غادر دياره للمفلى
والربيع اقفى مثل صحوة نهاره
ما يوقع في سما جوه تعلى
اختلف نزله وعزم في طياره
واحلاته لانزل بالروض فلى
واقتنص لبونهر وطلق بناره
مشبب (ن) يمناه للجول وتملى
وانحنى له بالقدر والقفش ثاره
فوق جكس (ن) مايروح ولايخلى
لون ثلجي مشتريه ولا استعاره
والدريول ماسك(ن) درب (ن) يدلى
عارف (ن) ممشاه يفهم بالاشاره
والعصر نزل معاميله وصلى
ضابط (ن) كيفه وتلقيمة بهاره
في فياض(ن) من سحايبها تملى
تطرب القناص في عسات داره