قصيدة الشاعر الكبير / فهيد الباطح الجميلي رحمه الله
بالشيخ / مشلّح بن صنيتان المريخي
سيّرت والمسيار مابه كلوفه ..... يمّ الوجيه اللي لهم فضل واحسان
ألفي لبيتٍ ما تملّه ضيوفه ....... في مجلسه تلقى حرارٍ وعقبان
ونشاهد اللي مبطيٍ عقب شوفه ..... ابو مناحي شوق ميّاح الاردان
يا طيّب المنهج بحسن المروفه ..... نادر حرارٍ من صياريم حوران
وندى عضيده بالنّدا ومعروفه ..... راع البويضا من سلايل صنيتان
حرٍ سراويله تعدّى كفوفه ..... طير السعد مدهال ذربين الايمان
ابوه قبله عايزاتٍ وصوفه ........ عشْرٍ بَشر ماض الفعايل كحيلان
دايم فعول الغانمه ما تطوفه ..... بوجهه وجاهه كان وقت الدهر شان
ومواقفه عند اللزوم معروفه ..... امير واصل عند زوغات الاذهان
مثل السبّاع اللي تدور العلوفه ..... ليا تناخو دون زينات الالبان
خيّال قبّا للطْراد معسوفه ..... تدوي على المقفي كما ادواي شيهان
ليا حلّ منع اللي على العمر خوفه .. وقيل المريخي لَحْق حمّاي الاضعان
ريف الضعيف ليا حدنّه ظروفه ..... لهم بالصخا والمجد ماقف وعنوان
هم الشيوخ اللي عليهم حسوفه ........ ياما شبع ببيوتهم كل جيعان
صلو على اللي به على الخلق نوفه ..... على النبي الهاشمي نسل عدنان
عداد ما خط القلم في حروفه ..... وعد النّبات وعد ما بالوطا بان