ياشين ماعينتهم يابو سفاح
ياللي على رفحا ترف الجناحي
أن كان خلي ماشين لي بالانصاح
أنا أشهد إني ماشيين بالنصاحي
عايز من الخفرات وصفه وذباح
مذكر مع العربان شكله اولاحي
اليا طوالي مدمج الساق يابداح
عليه دمعي فوق الاوجان ساحي
والقلب دمه بالمعاليق فواح
يشيد لبرادن على الجمر فاحي
يالله تجيب الترف عندي والأفراح

يامرجعن يوسف وابوه استراحي
العين عين اللي طلع وقت الاصباح
امفهق الجنحا ن طير الفلاحي
غديت مثل اللي تدالوه برماح
خلوه ريعه طايحن بالمراحي
ولاسجينن حط قفلن ومفتاح
بس اتحرا قصته كل صباحي
درب المحبة ياعرب دوم فضاح
صبرت لين الصبر غلق وباحي
خذيت أنا والترف بالحب مشواح
هو غايت المطلوب والانشراحي
ما ريد أنا غير الغضي زين الارياح
لو عرضين لي لابسات الوشاحي