هذا القصيدة من الشاعر : خالد بن حامد الغشم الجميلي
لوالدي المرحوم : ماضي بن ربيحان الحمد الجميلي
أرسل ســلامي يم مـــاضي بتــرحيب
حيثــه صديق لي مـن أول سنينه
اهــدي لـه التقدير من حيث مــاجيب
راع الشجاعة يوم يمشي بحينه
ابطى حنينه مثل خلجٍ من النيب
مثل الخلوج اللي تدور ضعينه
ريف النشامى ماكره ماكر الطيب
يوم الموارد أخلفت به جنينه
سبع شمخ بين الضواري هو الذيب
يومٍ راع الطيب يجزع بشينه
خانت بك العدوان من دون ترتيب
تبحث خفاك بكل غدرٍ لعينه
يمشي ورآك لين يلقى مقاضيب
لين يتمسك بك بحلوه ولينــه
عساه يلقى بالخيانة من يصيب
يحوّل به المولى ويقصر يدينه
حيثه ذليل ضاري للتناكيب
يفجاه فجــوى غــر من دون دينه
واطلب عساها عجلةٍ به مع الغيب
تقضي عليه الأرض وهو الدفينه
ولاتحسبني يوم مازورك اجهل العيب
أخاف لاتــذرف دموعي حزينه
لأصب دمع العين مثل الشلاهيب
مالي جدى ياكود جر الونينه
أبدع لك القيفان ولشوفك أطيب
غالي وغـالي يابعد كل عينه
واعذر وسامح ياعطيب المخاليب
يا شوق بنت البيت موضي جبينه
الطيب يلقابك بكل المضاريب
ومن قصر بحقك ترانا نهينه
رد الشاعر: ماضي بن ربيحان الحمد الجميلي - رحمه الله - على قصيدة الشاعر : خالد بن حامد الغشم الجميلي
أهلاً هلا باللي يدز المكاتيب
عداد ما هزت بلوف المكينه
وأعداد ما تفتر سود الدواليب
وأعداد ما بالبحر سارت سفينه
تحيه للي يعرف المواجيب
أخو عزيز وكلنا عارفينه
خابرك يا خالد بوقت المصاعيب
تجعل حياتك للنشاما رهينه
لكن هذا اليوم بانت عذاريب
وبانت علوم خافيه بالخزينه
اللي سقيته من قراح المشاريب
اليوم يسقيني من الوحل طينه
بان المخفى والذي كان بالغيب
وبانت علوم للجماعة كمينه
يا حيف صدقان الرخاء والاقاريب
ما فيهم اللي زار منهم سجينه
والله ناس اليوم فيها التعاجيب
تغيرت عاداتها بالمدينه
أما الذي تذكر يدور مقاضيب
هذاك ما نحسب لشينه وزينه
هاذي هي الدنيا شروق ومغاريب
لابد يظهر لك عدوا هدينه
هذا عدو حاقد صخيف العراقيب
حامل حقد مخفيه داخل كنينه
عساه يرمابه بوسط نار اللواهيب
هذاك فيه النار ما هي غبينه
ودك يعذبه الولي شرتعذيب
ويصير عبره للعقول الفطينه
من شأن يعرف مخطي الهرج ومصيب
ويا زين خوفٍ جاك عقبه سكينه