هذه قصائد مجاراة بين الشاعر باتل الرشيدي والشاعر مسيعيد بن خلف الحفر الجميلي
قال الشاعر باتل الرشيدي :
[poem=font="mateen,6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يقول الرشيدي والرشيدي باتل = الطيب في بعض النساء يضيع
إن اكرمتها قالت أنا اكرمت قبلك=وإن اهنتها سوت عليك سنيع
تاكل حلالك ثم تجحد جميلك=وحسيبها اللي منزله رفيع
ضحاكة بالوجه عقارة بالقفا=وخسران من يفعل بها صنيع
لاجيت بالمرقد عطتك النقرة=ما كنك إلى فوق شوك نقيع
وإليا اصبحت لا بليت في قصتها=تلسن تشدي حية الفقيع
[/poem]
فقام الشاعر مسيعيد بن حفر الجميلي بمعارضة هذه القصيدة بقوله :
[poem=font="mateen,6,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا الله يا محيي العظام الممحلة=أنا بوجهك يا الإله وديع
ترجع لنا بالوسم من غيث الحيا=من حالوب غر برقهن لميع
أنا شاقني قول الرشيدي باتل=يوضع لكم يا الفاهمين توضيع
وأنا على قول الرشيدي قايل=اصنّع بيوت جايزات تصنيع
بعض النساء ماهن رفيقات طيب=جرادة خضار وقعت توقيع
وفيهن من هي هرة مكفهرة=تواضح نواصيها من التفضيع
وفيهن من هي كل ليلة تودبك=تجزيك كل الليل بالتلقيع
وتقول يالمذهوب وين أنت رايح=تقل مسوي ببنت الحرام شنيع
أول تروزك ثم تالي تهوشك=تبيك لها دب الليال مطيع
وفيهن ملفا النقص هو والخسارة=لو علمتها علمك بها يضيع
وتقول لك كان أنت زاعل تشيم=لو علمت طبعي فاخت التطبيع
بهوت لحمام الدار شطير لسانها=وهي ما بها نفع ولا تسنيع
وفيهن من تكره بوصل العاني=وفيهن من تشويك شوب خليع
وفيهن من توحي القصيرات حسها=دايم يلالي صوتها رفيع
لا قلت يا بنت الحلال استرينا=تقول لك وجعة تبا التجميع
وفيهن من تصقلك وهي تماطق=تقل مماطقة عند الحمار مشيع
مير الضرس لانقرس تولاك بالوجع=صوت لشلاع الضروس سريع
وفيهن من هي يا هل الغي جنة=يربع بها زرع الفؤاد ربيع
ما تفرق بياض خدودها من صفارها=ومرمع فيها الحَمَار ترميع
وليا ضحكت لك كن مبسمها البرد=أو ذوب غرز بالبريق يميع
من خلقة الجيران ما اوحوا حسها=هاديها خالقها بلا تطبيع
وفيهن من تصبحك بالخير دايم=حتى بها لك بالفراش نفيع
لا جيت من المسيار قامت تلبلبك=تلبلب بين الوالدين رضيع
وفيهن من تجزيك عن كل عذرى=مثل ما ذكر بالجازي منيع
وترى البيض مثل الصرف مع بايع الذهب=والفرق بين الصايغين وسيع
وترى الغلب يالصبيان بالبيض والنضا=وترى هن اللي جرحهن فنيع
اللي ربح واللي خسر من حظوظكم=يوم إن كل يشتري ويبيع
وتمت وخلوها صلاة على النبي=ولا بد ما هرج الثبات يريع
[/poem]
