هذه الابيات من الشاعر/ محيا شريده الجميلي موجه للواء الركن فهد المطير قائد المنطقه الشماليه. حفظه الله .
بعد ان تم منعه من الدخول على سعادة اللواء من قبل الشرطة العسكرية .
آمل من سعادتكم السماح لي بمقابلتكم للاهميه .

يافهد قصدي وجاهك واعّبر كلمتين
جعل وجهك مايجي النار واللي عقبوه
ماقصدت بريسٍ للردا قلبـه فطيـن
حاقد ٍقلبه على الشين من جده وابوه
اجتهد بالزين والطيب جعل الله يعين
والعن الشيطان واللي على دربه مشوه ..
يافهد ميزان للحق ياالدرع الحصين ..
ماتضيع حق من لـه رقيـب وعقدوه ..
والرجل على حصيله سند ومحاسبين ...
ولاانتهى قالو تفضل حصيلك وارسلوه..
جارك الله عن صواديف دورات السنين
والعدو واللي على الحقد ربعه عاونوه..
قلتها واقولها كل لحـظـه مرتـين
ياربيع اللي لجوله مسايير ونصووه ...
سلمنا وطبوعنا مثل اهلنا الأولين
الخوي والضيف بالبن والكبش اكرموه ...
نفتخر بالطيب ونخلي القاسي يلين
ونحتمي الخايف ليا من ربعه ماحتموه ..
يوم كر وفر والموت من بين اقبلين ...
نلحق اللي به تردت ذلوله واعثروه ...
ذي عوايدنا وحنا عليها ثابتين
من جدود ٍ علمونا عليها واثبتوه ...
الخوي حقه علينا وعند الطيبين
وكل شجعان العرب سلمهم ماضيعوه ...

وبعد ذلك تم مقابلة قايد المنطقة بمكتبة من قبل الشاعر الكبير محيا الشريده