يقوول العتيبي :
الوضــع يبغــى لـه ثلاثيــن روقـــي
ويحـتاج من برقـــا حـدود الثلاثيـــن
يجـون فالحديــن قبل الشروقـــي
ولا يــذن المغـرب وبشار له عيــن
رد عليه قحطاني ،،،،،،
ان كانكم ستين والعد فوقي
الوضع يبغى له ثلاثة قحاطين
وتشوف شي للنواظر يشوقي
ونحرر اهل الشام واهل فلسطين
رد عليه المطيري ،،،،،،،،،
الوضع مايبغى قحطاني وروقي
يبغى من المطران عشرة وراعين/
يغزون بشار اللعين السلوقي/
وفي دربهم تبا تحرر فلسطين /
ﯙ رد عليهم الحربي /
الوضع مايحتاج نذل وسروقي
يحتاج لليوثن تضد المعادين
يوم المهايط بين بومة ولوقي
حرب(الدول) بالفعل هم فزعة الدين
( رد الشمري)
ارتاح يا الحربي أخبرك ذروقي
ابعد مشاوريك يجي حول مترين
دام الشجاعه جاريه بالعروقي
أصغر ولد من شمّر يسدد الدين
رد ( الجميلي )
ما ينفعك هرج الكذوب اللبوقي
اللي يصد ليا التقت عين مع عين
عليك باللي يسترد الحقوقي
فهود الزراج أخوان سلمى هل الدين
رد ( الدوسري )
هذي (دول) يامزينين الطروقي
وكل القبايل والنعم مير ( غادين )
خلوها للكواسر ياأهل الحقوقي
انتم قبايل مير حنا سلاطين
 رد ( بن غانم )
والله لو تشمل علينا البروقي
وترعد علينا بالمزن فوق رعدين
مايصمل الا كاسبين الحقوقي
اللي على الدين الحنيفي مقيمين
اولاد غانم بالمواقف تفوقي
قومن على قوم الظلاله شديدين