هذه القصيدة للشاعر الكبير : دلول المضياني الجميلي - رحمه الله -
والخطأ فيها وارد فمن كان عنده تصويب لها فليخبرنا مشكورا مأجورا
ياراكب الله كن أذانيه حربه
حر يسوقون المهر في ضرابه
إليا عطا الواد الوعر كن ضربه
ضرب البرد يوم يتراكم سحابه
الهضْب لا تطا ترى إن الخطر به
تراه مدهال العدا والحرابه
عطه رقاق الحزم يسر لدربه
عطه دروب ما تضالع ركابه
وصاحبي بأول شهر وين قربه
وثاني شهر يا بعد دار رعى به
وثالث شهر جاب الطراقي خبر به
يرعى من الحاجر إلى أطراف ثابه
العين عين اشبوب صيد ندر به
عرجد ويم الحس عوج رقابه
والقرن ذيل كحيلة جوف سربه
وإلا السفايف يوم حلل انصابه
يالعين خلك ناصية دار غربه
متخير دار مريف جنابه
مير اصبري يالعين ما هو بكربه
ما أدري لو الله عقب الابعاد جابه