الشاعر : عبدالعزيز المحارب
الشعر حاير. ..من التفكير
وضاقت به بحوره السبعه
وهواجسه.. خانها التعبير
ومنها الفضاء ضاق من وسعه
السالفه .... مالها تفسير
ولا لها حل .... أو رمعه
بعض الاوادم مافيها خير
ولابها طيب ... أو فزعه
الاغلبيه ... تعكس السير
بأفعالها اللي مهي سنعه
من كل الأشكال .. تلقى طير
وكلن يرى الناس في طبعه
والحر نادر لأنه ... غير
مايشبه الحر .. أبو ودعه
ما يرهم مبين التزوير
النمر معروف .. والضبعه
رجال .. شيوخهم التصوير
لباست البشت ... أبو لمعه
وتدرون منهو.. لعين الصير
ولابه معزه. .. ولا رفعه
ولا هو كفو حق .. للتقدير
من شاف نفسه على ربعه